Drottning drottninganna í Egyptalandi, hin
dásamlega þrjóska Kleópatra, nær ekki upp í
nefið á sér þegar Sesar gerir lítið úr þjóð
hennar. Til að lækka rostann í þessum monthana
fullyrðir hún að geta látið reisa handa honum
höll á aðeins þremur mánuðum. Til þess fær hún í
lið með sér færasta (eða hitt þó heldur)
arkitekt Alexandríu, hann Beinlínis sem getur
ekki teiknað beint strik og hannar rammskökk hús
sem hrynja við minnsta álag. Það bætir ekki úr
skák að keppinautur hans Alkapónis,einnig
húsaarkitekt, er vonsvikinn yfir því að fá ekki
verkefnið. Hann leggur allt í sölurnar til að
ætlunarverkið mistakist. Í örvæntingu sinni
leitar Beinlínis á náðir Sjóðríks og
kjarnadrykksins. Auðvitað eru Steinríkur og
Ástríkur með í för og sjá til þess að höllin
rísi á tilsettum tíma. Rómverjar gera þeim
erfitt fyrir, enda vill Sesar ekki tapa fyrir
kærustunni. En allt fer vel að lokum. Beinlínis
andar léttar og framtíð hans verður þakin gulli.