Þú getur gert byltingarkenndar breytingar á andlegri og líkamlegri heilsu með því að jafna blóðsykurinn. Og það er auðveldara en þú heldur.

Glúkósi, þessi pínulitla sameind sem berst inn í blóðrásina með kolvetnum og sætindum, hefur gríðarleg áhrif á heilsu okkar. Flest höfum við allt of mikinn glúkósa í blóðinu – án þess að hafa hugmynd um það.

Afleiðingarnar geta verið síþreyta, skapsveiflur, ófrjósemi, hormónaójafnvægi, ofþyngd, bólur, hrukkur … og með tímanum getur of mikill glúkósi haft áhrif á þróun sjúkdóma á borð við sykursýki 2, fjölblöðrueggjastokkaheilkenni, krabbamein, Alzheimer og hjartasjúkdóma.

Í þessari áhugaverðu og aðgengilegu bók, sem byggist á nýjustu rannsóknum, gefur Jessie Inchauspé tíu hollráð sem hjálpa þér að jafna blóðsykurinn – án þess að þú þurfir að hætta að borða það sem þér þykir best.