Dans á rósum er skáldsaga ætluð lesendum á aldrinum 9-12 ára.
Sagan fjallar um hina 11 ára gömlu Bryndísi og bestu vini hennar, Telmu og Bjarma, sem öll æfa dans í smábænum Öldufirði. Dag einn fá þau boð í stóra danskeppni í Reykjavík, en keppnisferlið (þó spennandi sé) gengur ekki snurðulaust fyrir sig!
Sagan snertir á þemum eins og kvíða, vináttu, fjölskylduböndum og sjálfstrausti og er myndskreytt glæsilegum teikningum og vatnslitamyndum eftir Hafdísi Lilju Haraldsdóttur.