Hvernig litist þér á sumarfrí í eyðiþorpi – þar sem ekkert nammi fæst? Nei takk! hefðu systkinin Gunnar og Gyða sagt einum rómi. Þau voru bara ekki spurð. Sem betur fer rekast þau á dularfullu skepnuna Gulbrand Snata og það var líka gott að þau tóku með sér talstöðvar. Þá geta þau njósnað um mömmu og geimverurnar. Svo birtist bréfið frá kafteini Kolskeggi ...

Gulbrandur Snati og nammisjúku njósnararnir er spennandi saga fyrir lestrarhesta á aldrinum 7 til 12 ára. Brynhildur Þórarinsdóttir hefur getið sér gott orð fyrir barnabækur sínar og hlaut Íslensku barnabókaverðlaunin fyrir söguna Leyndardómur ljónsins.