Hálendishandbókin hefur verið ómissandi ferðafélagi allra þeirra sem ferðast um hálendið frá því bókin kom fyrst út árið 2001. Hún kemur nú út í nýjum búningi, endurskoðuð og uppfærð.
Bókin geymir sem fyrr leiðsögn um flestar helstu hálendisleiðir, auk þess sem vísað er til vegar um ýmsar fáfarnar slóðir í eyði- og óbyggðum landsins. Bent er á áhugaverða staði, urmul ógleymanlegra náttúruperla utan alfaraleiða og ævintýralegar gönguleiðir. Bókin er prýdd fjölda ljósmynda sem teknar voru sérstaklega fyrir þessa útgáfu, auk gagnlegra korta og fróðleiks af mörgu tagi.