Gamlir vinir úr háskóla halda til Hjaltlandseyja til að vera við brúðkaup. En á brúðkaupsnóttinni hverfur ein úr hópnum, Eleanor, eins og hún hafi gufað upp. Áður en hún hvarf hafði Eleanor sagt að hún hefði séð draug barns á staðnum þar sem það drukknaði fyrir mörgum árum. Lögregluforinginn Jimmy Perez er sannfærður um að meira búi að baki hvarfi Eleanor en virðist við fyrstu sýn. Hafði hún komist á snoðir um gamalt leyndarmál sem var svo ískyggilegt að það kallaði á morð?
Mögnuð spennusaga um togstreituna milli gamalla hefða og nútímans og áhrifin sem skuggar fortíðar geta haft í samtímanum.
Ann Cleeves er einn virtasti glæpasagnahöfundur heims. Bækur hennar um lögregluforingjann Jimmy Perez, sem gerast á Hjaltlandseyjum (Shetland), hafa slegið í gegn. Breska ríkissjónvarpið, BBC, hefur gert vandaða sjónvarpsþætti eftir sögunum sem njóta mikilla vinsælda víða um heim.