Helgi skoðar heiminn, hugljúf barnabók um
hringferð lítils drengs um veröld sem er full af
lífi, hefur notið mikillar hylli síðan hún kom
fyrst út fyrir 38 árum og löngu unnið sér sess
meðal sígildra íslenskra barnabóka
Heimurinn er
stór. Hann er stærri en allt túnið. Hann er svo
stór að það tekur næstum heilan dag að skoða
hann allan. Í dag ætlar Helgi litli og bestu
vinir hans, hundurinn Kátur og hryssan Fluga, að
skoða allan heiminn í fyrsta sinn.
Á ferðalaginu
verður margt á vegi þeirra, margs er að gæta og
margt að varast. Alls staðar er líf Í fuglar,
fiskar og dýr. Gamlar sögur eru á kreiki og
furðuverur í hrauninu. Og Helgi lærir að hann á
þennan stóra heim ekki einn, hann þarf að taka
tillit til alls sem lifir og er.