Tim Blanck er kominn aftur til Palma þar sem sextán ára gömul dóttir hans hvarf á heitu ágústkvöldi fyrir fimm árum. Hann hélt að hann vissi hver örlög hennar hefðu orðið, en nýjar upplýsingar setja strik í reikninginn. Gæti hún hugsanlega verið á lífi?
Örvæntingarfull leit hans beinir honum inn í óhugnanlegan heim mansals. Eftir því sem hann hverfur dýpra inn í miskunnarlausan heim mansalsins finnst honum eins og hann sé orðinn að peði í miklu stærri leik. En hann er reiðubúinn að fórna öllu til að finna dóttur sína.
Áhrifamikil spennusaga sem lætur engan ósnortinn.
Verðlaunahöfundurinn Mons Kallentoft er best þekktur fyrir vinsælar bækur sínar um lögregluforingjann Malin Fors. Heyrði mig hvísla er sjálfstætt framhald metsölubókarinnar Sjáðu mig falla. Báðar bækurnar hafa fengið frábærar viðtökur víða um lönd.