Harpa Eir flýr úr borginni til að bjarga dóttur sinni úr hæpnum félagsskap. Með mæðgunum í för er vinkona Hörpu sem ekur bílnum og stefnan er sett á ættaróðalið fyrir austan. En ferðin snýst brátt upp í fleira en að bjarga barninu, því óafvitandi er Harpa Eir á leið til fundar við sannleikann um sjálfa sig.
Hjartastaður er mögnuð ferðasaga þar sem leiðin liggur jafnt um stórbrotna náttúru við þjóðveginn og hrjóstrugt landslag hugans. Í bílnum og utan hans tekst þrenningin á við uppákomur af ýmsu tagi en yfir og allt um kring sveima áleitnar minningar og fortíðarpersónur, lífs og liðnar.

Hjarta-staður er ein þekktasta skáldsaga Steinunnar Sigurðardóttar og hefur verið ófáanleg lengi. Fyrir hana hlaut hún Íslensku bókmenntaverðlaunin 1995.
Guðni Elísson ritar eftirmála.