Hér er lýst átta hjólreiðaleiðum, auðveldum og erfiðum, sem eiga það sameiginlegt að þær liggja í hring og hægt er að loka hringnum á einum degi. Hverri leiðarlýsingu fylgja tillögur að fleiri ferðum. Auka kaflar eru um aðrar hjólaleiðir og um hagnýt efni.

Helstu upplýsingar um hverja leið eru útlistaðar í máli, á kortum og með hæðarprófílum. Allar leiðirnar eru teiknaðar upp með litaskala sem útskýrir hver brattinn er mikill. Um 200 ljósmyndir gefa innsýn í landshlutann, hvernig þar er umhorfs og hvers konar vegir og stígar bíða lesenda.

Svæðið afmarkast af Reykjanesskaganum, Hengilssvæðinu og Hvalfirði. Höfuðborgarsvæðið er stór hluti af umfjöllunarefni bókarinnar.