Stúfur er minnstur allra jólasveina og uppáhaldsmaturinn hans er það sem enginn annar vill: brenndu agnirnar sem sitja fastar á pönnum. Eina nótt stendur lítill strákur hann að verki og spyr: af hverju bakar hann ekki bara NÝJAR pönnukökur? Stúfur hefur nefnilega aldrei á sinni sex hundruð ára ævi bakað neitt sjálfur. Þessa nótt bakar hann sína allra fyrstu pönnuköku, hvernig ætli hún smakkist?