Réttarmeinafræðingurinn dr. Kay Scarpetta er kölluð á vettvang óhugnanlegs morðs þar sem illa leikið lík konu hefur verið stillt upp. Um líkt leyti verða óútskýrð andlát á leynilegri rannsóknarstofu úti í geimnum. Kay fær það verkefni hjá yfirvöldum að komast að því hvað gerðist – í hugsanlega fyrsta glæpnum sem framin er úti í geimnum. Meðan á þeirri rannsókn stendur virðist raðmorðingi fara á kreik. Brátt er Kay Scarpetta sjálf í meiri hættu en nokkru sinni fyrr.
Í yfir þrjá áratugi hefur Patricia Cornwell verið einn vinsælasti og virtasti glæpasagnahöfundur heims. Bækur hennar hafa verið þýddar á nær 40 tungumál og selst í um 120 milljónum eintaka.
"Scarpetta er fyrsti kvenspæjarinn sem er að öllu leyti sannfærandi, náskyld Sherlock Holmes í því að treysta eingöngu á gáfur sínar fremur en heppni og vöðvamátt til að leysa erfið glæpamál." Independent