Ólafur Gunnar Guðlaugsson hlaut Íslensku barnabókaverðlaunin fyrir Ljósbera, fyrstu bókina í þríleiknum um síðasta seiðskrattann. Návaldið er lokabindið í röðinni, æsispennandi flettitryllir fyrir ungmenni á öllum aldri.

Hildur, Theódóra og Baldur eru uppgefin eftir innrásina frá Túle. Þau syrgja Hannes lærimeistara sinn og Bjarni vinur þeirra er fastur í öðrum veruleika þar sem Návaldið skelfilega leikur lausum hala. Úrslitaorrustan við hinn hinsta dauða nálgast hratt, en kraftar söguhetjanna eru öflugri en þau grunar.