Passíusálmarnir hafa verið gefnir út meira en sextíu sinnum síðan þeir voru prentaðir fyrst árið 1666, eða að meðaltali 20 sinnum á öld.
Þeir komu ekki í viðhafnarbúningi fyrir augu almennings, oftast fátæklega til fara, eins og þjóðin. En þeir voru handleiknir með dýpri lotningu en aðrir munir, sem alþýða hafi í höndum, og þeir voru ein sú auðsuppspretta, sem gerði þjóðina andlega ríki, þótt hún væri líkamlega snauð. Og aldrei eignaðist hún þá bók sem hún mat meir.
Svo ritar Sigurbjörn Einarsson biskup í formála útgáfunnar en Passíusálmarnir með myndskreytingum Barböru Árnason voru fyrst gefnir út 1960 og hefur sú útgáfa verið sívinsæl þau rúmu 50 ár sem liðin eru frá útgáfunni.

Barbara Árnason var fædd og uppalin í Englandi og lauk þar listnámi. Hún var fengin til að myndskreyta endursagnir úr Íslendingasögum skömmu eftir að hún lauk námi og kveikti það hjá henni áhuga á landi og þjóð.