Bráðfyndin og óvenjuleg saga um Tímofej Pnín, sérkennilegan og viðutan háskólakennara í Bandaríkjunum á sjötta áratug liðinnar aldar. Pnín, sem er landflótta Rússi, berst við að halda stöðu sinni og virðingu þrátt fyrir ýmsar uppákomur og misskilning. Grátbrosleg og einstök frásögn sem ber rómaðri stílgáfu höfundarins vitni. Vladimir Nabokov telst til höfuðsnillinga heimsbókmennta á tuttugustu öld. Víðfræg er skáldsaga hans Lolita, sem kom fyrst út í íslenskri þýðingu Árna Óskarssonar fyrir réttum þremur árum. Nú fá lesendur að kynnast annarri og ólíkri hlið á höfundinum.