Reykjavík eftir Ragnar Jónasson og Katrínu Jakobsdóttur var mest selda bók ársins 2022 og hlaut mikið lof gagnrýnenda, auk þess að vera tilnefnd til Blóðdropans – Íslensku glæpasagnaverðlaunanna. Þá er bókin væntanleg á fjölda tungumála um allan heim.
Í ágúst 1956 hverfur ung stúlka, Lára Marteinsdóttir, úr vist í Viðey og eftir það spyrst ekkert til hennar. Áratugum saman hvílir mál Láru þungt á íslensku þjóðinni og engin skýring kemur fram á hvarfi hennar. Í ágúst 1986 fer ungur blaða- maður að grafast fyrir um þetta dularfulla mannshvarf
– með ófyrirsjáanlegum afleiðingum.
Hér bjóða Ragnar Jónasson og Katrín Jakobsdóttir lesend- um í ferðalag á vit sumarsins þegar Reykjavík átti 200 ára afmæli, Bylgjan og Stöð 2 voru að fara í loftið og leiðtoga- fundur Reagans og Gorbatsjovs stóð fyrir dyrum. Og þetta sumar komu líka fram óvæntar vísbendingar um afdrif Láru Marteinsdóttur.