Sigraðu sjálfan þig – aftur og aftur! er verulega endurbætt útgáfa af Sigraðu sjálfan þig sem kom út 2018 og hefur verið uppseld síðan 2019. Búið er að bæta við 3 nýjum köflum og ríkulegar myndskreytingar eru í henni sem einfaldar lesandanum að öðlast dýpri skilning á efninu.
Þetta er einstök bók sem getur liðsinnt öllum þeim sem hafa hug á að brjótast úr fari vanans, stefna hærra og sækja lengra – hvort heldur er í starfi eða einkalífi. Þetta er þriggja vikna persónulegt þroskaferðalag lesandans þar sem höfundurinn er hans persónulegi markþjálfi á leiðinni.
Bókin er byggð á hugmyndafræði markþjálfunar og unnið er markvisst með fjölmörg verkfæri sem auðvelda lesandanum að ná markmiðum sínum og sigra sjálfan sig.