Sóla og sögurnar er þriðja bókin um Sólu Grýludóttur. Nú er Sóla alveg búin að fá nóg af mömmu sinni og strýkur úr Grýluhelli ásamt Kára krumma sem er besti vinur hennar. Þau flækjast inn í nokkur þjóðsöguævintýri á leið sinni út í heim. Þau komast í tæri við hættuleg tröll en aðrar ævintýraverur kenna þeim brellur og töfra sem bjarga þeim úr bráðri hættu. Hlíf Una myndskreytir bókina af sinni alkunnu snilld.