Í kjölfar andláts föður síns koma systkinin Ulrika, Andrea og Rasmus saman á æskuheimilinu til að fagna afmæli móður sinnar. Miðsystirin, Andrea, þráir að mynda sömu nánu tengslin við mömmu sína og eldri systirin, Ulrika, hefur alltaf haft. En það virðist engu skipta hversu mikið hún reynir, hún upplifir sig alltaf utangarðs. Ulriku finnst litla systir sín hafa verið dekurrófa sem hafi fengið allt sem hún hefur viljað, enda augasteinn pabba síns, en samt hafi hún aldrei verið ánægð. Bróður þeirra, Rasmusi, finnst hann alla ævi hafa verið í skugganum af stöðugri baráttu systranna eftir athygli og viðurkenningu.
Hvert systkinanna sér æsku sína með ólíkum hætti. Og þau hafa haldið ýmsu leyndu fyrir hvert öðru. En getur fólk alltaf treyst minningum sínum? Og hvaða skyldur hafa systkini í raun og veru gagnvart hvert öðru?
Bókin var tilnefnd til sænsku Storytel-verðlaunanna 2025.
Sigurður Þór Salvarsson íslenskaði.
Sænski metsöluhöfundurinn Moa Herngren (f. 1969) er fyrrverandi aðalritstjóri Elle Magazine í Svíþjóð og eftirsóttur handritshöfundur. Hún er m.a. meðhöfundur hinna vinsælu sjónvarpsþátta um Bónus-fjölskylduna. Bækur hennar, Tengdamóðirin og Skilnaðurinn, hafa fengið frábærar viðtökur víða um heim.
„Fullkomin skáldsaga um mannleg samskipti ... Ég hló og grét á víxl.“ Svenska Yle
„Moa Herngren er gjörsamlega stórkostleg í að lýsa samskiptum fólk og árekstrum og árekstrum þeirra á milli.“ Agnete Norrgård