Þín eigin undirdjúp er sjöunda bókin í Þín eigin bókaflokki Ævars Þórs Benediktssonar. Hann hefur hlotið Bókaverðlaun barnanna og Bóksalaverðlaunin, verið tilnefndur til Íslensku bókmenntaverðlaunanna og Barnabókaverðlaun Reykjavíkur og bæði verið valinn einn af bestu yngri barnabókahöfundum Evrópu og í hóp framúrskarandi ungra Íslendinga.

Sögusviðið að þessu sinni er kafbátur þar sem þrír stórskrítnir skipstjórar ráða ríkjum. Lesandanum er boðið um borð og á leið hans um undirdjúpin leitar hann að sokknum fjársjóði, kannar hinn banvæna Bermúdaþríhyrning og eltar uppi heimsins stærsta sæskrímsli.