Þúsund kossar er einlæg og persónuleg bók þar sem Jón Gnarr skrifar lygilega lífsreynslusögu konu sinnar, Jógu, í bók sem að lesendur munu gleypa í sig.
Jóga fer sem „au pair“ til New York 1980 og lendir þar í skelfilegri lífsreynslu. Hennar bíður löng glíma við sektarkennd, skömm og glatað sakleysi. Hér segja þau hjón, Jóga og Jón Gnarr, þessa sérstæðu sögu.
Jón þekkja allir; hann er grínisti, leikari, rithöfundur og fyrrverandi borgarstjóri. Minna hefur farið fyrir Jógu sem hefur fremur kosið að standa utan við sviðsljósið. Hún rak lengi tískuverslunina Skaparann í Reykjavík, var meðal stofnenda Besta flokksins og tók virkan þátt í starfi hans. Með fram öðru vinnur hún sem nuddari.