Bo finnur að líf hans er að fjara út. Líkami hans er að gefa sig og kyrrlátt líf hans er aðeins rofið af daglegum heimsóknum heimaþjónustunnar. Hendur hans verða brátt of máttlitlar til að opna boxið dýrmæta með sjali eiginkonu hans, Frederiku, sem þjáist af alzheimer-sjúkdómnum, en sjalið ber enn ilm hennar. Sem betur fer hefur hann ennþá tryggan félaga sinn, hundinn Sixten, sér við hlið – en nú krefst sonur hans þess að hann láti hundinn fara. Það fær Bo til að hugsa um líf sitt, föðurhlutverkið og hvernig hann hefur tjáð ást sína um dagana.
Trönurnar fljúga suður var valin bók ársins í Svíþjóð árið 2024 og hefur síðan farið sigurför um heiminn, hlotið fjölda alþjóðlegra verðlauna og setið mánuðum saman í efstu sætum metsölulista.
Heimir Pálsson íslenskaði.
„Hjartnæm og áhrifamikil.“ Dagbladet
„Stórfengleg skáldsaga.“ Nettavisen
„Töfrandi lestrarupplifun.“ Camilla Läckberg
„Áhrifamesta bók sem ég hef lesið — hjartskerandi en jafnframt hjartahlý.“ Jacqueline Wilson
„Svo hjartnæm, fyndin, falleg og vitur … einstök bók.“ Richard Osman