Skemmtilega fjölskylduspilið Partners er nú til í útgáfu fyrir sex leikmenn.

Partners+ er herkænskuborðspil þar sem spilað er í þremur tveggja manna liðum eða tveimum þriggja manna.
Spilinu er best lýst sem eins konar lúdó með spilum sem koma í stað teninga.
Auk þess eru ýmis spil sem hægt er að nota til að ná forskoti eða klekkja á andstæðingunum.
Spilið snýst um að vera á undan mótliðunum að koma öllum peðum liðsins á lokareit.
Mikilvægast er að vinna saman sem félagar og beita réttu kænskubrögðunum.