Þessi skemmtilega og óvenjulega matreiðslubók
hefur að geyma uppskriftir og fróðleik úr
sjónvarpsþáttunum Fagur fiskur. Markmið þáttanna
er að auka fiskneyslu og sýna fólki fram á að
matreiðsla á fiski er spennandi en um leið
einföld, hvort sem um er að ræða veislurétti eða
hversdagsmat. Í gnægtakistu hafsins eru
alþekktir fiskar jafnt sem fáséðir, skelfiskur
og sjávargróður, og hér er öllu breytt í
fjölbreytilega og gómsæta rétti sem allir ættu
að geta töfrað fram.