Út eru komnar tvær nýjar bækur um Nönnu norn
fyrir litla lestrarhesta, Nanna pínulitla og
Nanna á fleygiferð. Hvor bók er 95 bls. að lengd
og geymir fjórar skemmtilegar sögur um Nönnu
norn, köttinn Njörð og ævintýrin sem þau lenda
í.

Sögurnar um Nönnu norn hafa notið
gríðarlegra vinsælda árum saman og selst í
milljónum eintaka um allan heim. Bækurnar henta
börnum frá sex ára aldri og eru afar
aðgengilegar fyrir stelpur og stráka sem eru að
byrja að lesa sjálf. Sögur Lauru Owen eru léttar
og leikandi og líflegar myndir Korky Paul
skreyta hverja blaðsíðu.