Gerpla er eitt af stórvirkjum Halldórs Laxness.
Sagan gerist á 11. öld þegar tveir vestfirskir
garpar sverjast í fóstbræðralag að fornum sið.
Þorgeir Hávarsson er vígreifur kappi sem vill
heldur herja en hokra. Þormóður Bessason er
hæglátt skáld sem ann konum og hetjum meir;
meðan hann situr heima í friði fer Þorgeir í
víking og finnur sér kóng að berjast fyrir en
lætur að lokum líf sitt. Þá er skáldið skyldugt
að halda af stað og hefna fóstbróður síns og
yrkja kóngi hans dýr kvæði. Gerplu má kalla
rangsnúna hetjuharmsögu. Hún er í sögualdarstíl
en hetjurnar fallnar af stalli. Sagan er margræð
og beitt háðsádeila á stríðsrekstur og
hetjudýrkun að fornu og nýju Í en ekki síður á
þá sem fylgja í blindni leiðtoga eða hugsjón og
fórna allri mennsku fyrir ímyndaða dýrð. Þessi
útgáfa sögunnar er með hefðbundinni stafsetningu
en ekki er breytt því fornlega málfari sem
höfundurinn tileinkaði sér við ritun hennar.