Prjónaskáld er fjölbreytt og framúrstefnuleg
handavinnubók þar sem sköpunarkrafturinn ræður
ríkjum og eingöngu er notuð ull og kambgarn. Hér
eru til að mynda uppskriftir að peysum, húfum,
vettlingum, treflum, kjólum og flíkum sem má
nota á fleiri en einn veg. Flestar eru
uppskriftirnar gefnar upp í útgáfum sem henta
jafnt konum, körlum og börnum. Einnig er
sérstakur kafli um litun á garni og þá töfrandi
liti sem ná má fram með jurtum úr íslenskri
náttúru og ýmsum öðrum litunarefnum.