Ósýnilegi verndarinn eftir Dolores Redondo er fyrsta bindið í nýjum glæpasagnaþríleik sem gerist í Baskalandi og jafnframt fyrsta bók höfundar. Hún hefur selst í yfir milljón eintökum á Spáni, verið þýdd á 33 tungumál og hlotið mikið lof lesenda og gagnrýnenda, verðlaun og viðurkenningar.

Unglingsstúlka finnst myrt við bakka Baztán-árinnar i Baskalandi á Spáni. Lögregluvarðstjóranum Amaiu Salazar er falið að stýra morðrannsókninni sem leiðir hana aftur á æskuslóðir sínar í smábænum Elizondo en þangað hafði hún aldrei ætlað sér að snúa aftur.
Sigrún Ástríður Eiríksdóttir þýddi á íslensku.