Christopher Lund kynntist töfrum Íslands þegar á ungum aldri þegar hann fór með föður sínum í ótal ljósmyndaferðir um allt land. Hann hóf brátt að fanga sjálfur furður náttúrunnar á filmu, sýnileg náttúruöflin, fjölbreytni landslagsins og miskunnarleysi veðurfarsins.
Útkoman birtist hér í einstæðri ljósmyndabók sem hrífur alla þá sem tengjast landinu, ferðamenn sem hingað koma jafnt sem Íslendinga sjálfa.