Í bókinni bregður Sigríður Hafstað upp myndbrotum úr ævi sinni með sendibréfum, viðtölum og öðru efni sem frá henni er runnið. Hún ólst upp á stóru sveitaheimili í Vík í Skagafirði og stóð fyrir öðru slíku á Tjörn í Svarfaðardal. Þar fæddi hún og klæddi börn sín sjö og oft miklu fleiri börn, sinnti gestum, vann við bústörf og starfaði að félagsmálum, kórsöng og leiklist. Þegar barnahaldið léttist gekk hún á fjöll, og stundaði hannyrðir af kappi, rak héraðsfréttablað, var hreppstjóri, snerist í kringum niðjana. Allt þetta er hér skráð, mest með hennar eigin orðum, og endurspeglar fjölbreytilegt líf í norðlenskri sveit í bráðum heila umbyltingaröld.