Enn er það svo að sögur ná að fanga hugi fólks og ekki þá síst sögur eins og þær sem hér eru sagðar, átakasögur af innra lífi og samlífi fólks sem gæti allt eins búið í næsta húsi. En rétt eins og höfundi lætur vel að skyggnast inn í ólgandi óreiðuna í hugum sögupersóna sinna vítt og breitt um veröldina, á ekki síður við hann að stíla fallegar stemningar. Konan sem alltaf gekk á undan er önnur bók Ingimundar Gíslasonar augnlæknis.