Drengurinn sem dó úr leiðindum er saga um nútímakrakka. Bestu símarnir, skemmtilegustu tölvuleikirnir og hangs á netinu er það sem mestu máli skiptir í lífinu. Heimur tólf ára stráks hrynur þegar foreldrar hans taka frá honum öll snjalltæki og afhenda honum í staðinn skærgulan farsíma sem hæfir bara risaeðlum. Sagan fjallar um vináttu, fjölskyldu og allt annað milli himins og jarðar sem skiptir máli. Guðríður Baldvinsdóttir er sauðfjárbóndi og frumkvöðull í Kelduhverfi. Hún hefur áður sent frá sér barnabókina Sólskin með vanillubragði.