Stundum er lítið gagn í góðum manneskjum.

Þær framtíðarvonir sem Gratíana bar í brjósti eru að engu orðnar eftir þrjú ár í Bótarbugt en Evlalía móðir hennar er óbuguð enn. Með kænsku hreyfir hún við lífshjólinu og markar nýja stefnu, ekki aðeins fyrir sjálfa sig heldur ekki síður Gratíönu og Ásdísi litlu. Glóð kvenréttinda lifir í hjarta Gratíönu en samhliða kvikna aðrir logar sem hún skilur ekki til fulls og veit ekki hvort hún vill glæða eða slökkva. Gratíana er framhald Hansdætra sem hlaut hlýjar móttökur lesenda og gagnrýnenda og var tilnefnd til Bókmenntaverðlauna Evrópusambandsins. Hér er sögð þroskasaga ungrar konu sem tekst á við sjálfa sig og viðteknar venjur í byrjun tuttugustu aldar.