Blær ræður sig í sumarvinnu á lítið hótel úti á landi. Hún heillast fljótt af Felix, sem er einnig að vinna á staðnum, en finnur aldrei rétta tækifærið til að segja að hún sé trans.

Fljótlega renna þó á hana tvær grímur og hún veit ekki hverjum hún getur treyst. Er eitthvað að marka orðróm um að hún þurfi að vara sig á Felix? Og hver er þessi glæsilega en mislynda Bella, samstarfskona hennar? Fljótlega kemst Blær að því að óupplýst mannshvarf tengist Felix og húsinu sem hún býr í en áhugaleysi ættingjanna vekur furðu hennar.

STOLT er hröð og spennandi saga úr sama söguheimi og STERK sem hlaut Barnabókaverðlaun Guðrúnar Helgadóttur 2021.