Fræg leikkona flýr skandal í Hollywood og leitar á náðir vinkonu sem rekur afskekkt íbúðahótel á fögrum stað í Englandi.

Æskuvinkonurnar Millý og Nicole hafa alltaf ræktað sína nánu vináttu þrátt fyrir að aðstæður þeirra gætu varla verið ólíkari. Eða allt þar til Nicole snýr baki við Millý þegar hún þarf mest á stuðningi að halda. Nýfráskilin með unga dóttur og rekstur fjölskyldufyrirtækisins á herðunum neyðist hún til að ýta burt sárindunum og halda áfram með lífið. Einn daginn berst neyðarkall frá Nicole. Hana vantar stað til að fela sig á og eini öruggi staðurinn er íbúðahótel Millýjar í Vatnahéruðunum. Millý fær ekki af sér að neita fyrrum vinkonu sinni og, þrátt fyrir blendnar tilfinningar, leyfir hún Nicole að koma.

Hægt og rólega byrja konurnar tvær að tengjast aftur. En þegar hulunni er svipt af hræðilegu leyndarmáli reynir svo sannarlega á viðkvæma vináttuna. Geta vinkonurnar staðið saman á ögurstundu eða mun þetta sumar rjúfa vináttuböndin að eilífu?

Vinkonur að eilífu? fjallar um fegurð vináttunnar, styrk fyrirgefningar, áhrif þess sem við veljum og hvernig lifið getur stanslaust komið manni á óvart.