Enn bregður höfundur á leik með nýjum örsögum, ljóðum og minningaleiftrum frá liðinni tíð. Hann ræðir við lesendur í þeim notalega spjallstíl sem hefur verið kallaður causeries á útlensku.
Í tæplega sextíu köflum flakkar hann um tímasviðið, stundum í léttum dúr þar sem hin munnlega frásagnarlist er með í för, stundum bregður hann upp minningum frá langri og viðburðaríkri ævi og stundum er hann á heimspekilegum nótum, en skáldskapurinn skipar óneitanlega hærri sess nú en oft áður, einkum ljóðin.