Í Sýnisbók safnamanns rekur Þórður Tómasson
ævintýralega sögu safnmunanna í Skógum. Hvernig
barkrókunum á Syðstu Grund er á elleftu stundu
bjargað frá því að fara í eldinn. Hvernig
mögulegar leifar af bókaútgáfu Jóns Arasonar
rata undir Eyjafjöll. Hvernig kirkjunnar menn
togast á við safnvörðinn um listaverk úr
kirkjusögu Eyfellinga.
Listasaga fátækrar
bændaþjóðar sprettur fram í nákvæmri og vandaðri
umfjöllun Þórðar þannig að ekkert safn á Íslandi
býr að því að eiga aðra eins heimild um safnkost
sinn. Safngripir Skógasafns lifna fyrir augum
okkar og bera vitni um listsköpun sem samofin er
harðri lífsbaráttu og skemmtilegum
munnmælum.
³Guð hjálpi þér, barn, að fara svona
með rúmfjölina mína sem öll er letruð guðsorði,Ê
segir prestsekkjan Solveig þegar
Björnskotsbörnin undir Eyjafjöllum hafa hnuplað
af henni rúmfjölinni til þess að renna sér á í
snjónum.