Hljómplata þessi var tekin upp á haustmánuðum 2018 í Svenska Grammofonstudioen í Gautaborg. Upptökur og hljóðblöndun voru í höndum Ívars Ragnarssonar og hljómsveitarmeðlima. Götz-Michael Rieth hjá Eastside Mastering Studios í Berlín sá um hljómjöfnun.

Hljómplatan inniheldur 9 glæný lög, öll eftir hljómsveitarmeðlimi; sum þeirra eru grípandi og hress, önnur meir inn á við og rólegri, en eru þó (mögulega) rökrétt framhald af fyrri verkum sveitarinnar. Hver veit?