Platan Ahoy! Side B með Svavari Knúti er seinni hluti verkefnis sem hófst á Ahoy! side A 2018. Þessar tvær plötur mynda eina heild sem platan Ahoy! sem einnig er gefin út sem tvöföld LP vínylplata. Í rauninni er hér um að ræða lokakaflann í samstæðu verki sem
hófst árið 2009 með plötunni Kvöldvöku og var síðan fram haldið með útgáfunum Ölduslóð 2012 og Brot 2015. Verkefnið bar llengi vel vinnuheitið „Söngvar um eymd og endurlausn“ og snerist að miklu leyti um sorgarferli og leitina að sátt og tilgangi í heimi sem elur á sjálfsefa og kvíða og lítur einlægni hornauga.