Blásýra er önnur plata þessarar skemmtilegu hljómsveitar. Sálgæslan er sérverkefni saxófónleikarans Sigurðar Flosasonar en hann er höfundur allra laga og texta á plötunni. Tónlistin teygir sig í ýmsar áttir og er einhvers staðar á mörkum jazz, blús og soul tónlistar. Söngvarar plötunnar eru sex talsins; KK, Andrea Gylfadóttir, Stefán Hilmarsson, Friðrik Ómar, Jógvan Hansen og Rebekka Blöndal.
Auk Sigurðar skipa hljómsveitina þeir Þórir Baldursson á Hammond-orgel, Einar Scheving á trommur og Andrés Þór Gunnlaugsson á gítar.