"Sálgæslan er sérverkefni saxófónleikarans Sigurðar Flosasonar og hann er höfundur allra laga og texta. Tónlistin teygir sig í ýmsar áttir og hvílir einhvers staðar á mörkum jazz, blús og soul. Söngvarar plötunnar eru sjö talsins; Helgi Björns, KK, Andrea Gylfadóttir, Stefán Hilmarsson, Friðrik Ómar, Jógvan Hansen og Rebekka Blöndal.
Þetta er systurútgáfa plötunnar Blásýra sem kom út 2020. Auk Sigurðar, sem leikur á saxófón, skipa hljómsveitina Þórir Baldursson á Hammond-orgel, Einar Scheving á trommur og Andrés Þór á gítar. "