Við nyrstu voga er ný plata þeirra félaga Gissurar Páls Gissurarsonar tenórs og Árna Heiðars Karlssonar píanóleikara. Gissur Páll hefur síðustu áratugi komið fram á óperusviðum víðsvegar um Evrópu og átti eftirminnilegan leik hjá Íslensku Óperunni í La Boheme en Árni Heiðar er þekktari fyrir jasspíanóleik með tríói sínu Arni Karlsson Trio sem hefur gefið frá sér fjölmargar plötur í gegnum árin. Samstarf þeirra félaga hefur staðið í 11 ár og var platan tekin upp á 10 ára samstarfsafmæli þeirra. Diskurinn inniheldur 19 íslensk sönglög frá síðustu öld, sumhver vel þekkt eins og Hamraborgin, Draumalandið og Í fjarlægð, en önnur minna þekkt, eins og t.d. Leitin eftir Sigvalda Kaldalóns, og Vor eftir Pétur Sigurðsson.