Tríóið skipa Ingi Bjarni á píanó, Magnús Trygvason Eliassen á trommum og hinn færeyski Bárður Reinert Poulsen á bassa. Meginþráður plötunnar er eins konar óður til norðursins. Hér er horft til norðurs, norðrið sem er heima og fundin tenging við ræturnar. Er tenging við ræturnar fundin? Platan ber nafnið Fundur, í þeirri merkingu að hafa fundið eitthvað. Stutt lýsing á tónlistinni er e.t.v á þessa leið: Eigin þjóðlagatónlist með jazzívafi, byggð á mínímalískum en þó skilvirkum laglínum.