Á þessari nýju plötu er að finna tíu frumsamin lög eftir Ólaf Þórarinsson (Labba). Lögin eru öll með textum Ólafs að undanskildum tveimur, þar eiga Jónas Friðrik og Ómar Halldórsson sinn hvorn textann.
Aðalsmerki þessarar hljómplötu er vönduð lagasmíði og fjölbreytileiki. Þó að Labbi sé sem kunnugt er í flokki fremstu dægurlagasöngvara landsins fær hann ýmsa til liðs við sig, má þar nefna meðal annarra Lay Low og Svavar Knút. Þetta er fimmta sólóplata Labba og sennilega hans allra besta.
Þetta er hljómplata sem allir unnendur góðrar dægurlagatónlistar ættu að eignast. Fæst bæði á CD og Vínyl LP.