Saxófónleikarinn Sigurður Flosason og danska söngkonan Cathrine Legardh hafa starfað saman um árabil og er þetta önnur platan þeirra, en sú fyrri Land & Sky kom út árið 2011. Hér er um að ræða jazztónlist eftir Sigurð við ljóð eftir Cathrine sem syngur á dönsku og er það talsverð nýlunda þar sem Danir eru hallari undir ensku þegar um sunginn jazz er að ræða. Hljómsveitina skipa auk Sigurðar á saxófón, Anna Gréta Sigurðardóttir á píanó, Jesper Thorn á kontrabassa og Espen Laub von Lillienskjold á trommur.