BJARGRÚNIR er fjórða plata hljómsveitarinnar Umbru. Platan hefur að geyma þjóðlagatónlist þar sem dregin er fram staða og raunir kvenna fyrr aftur í aldir, en lítið er til af heimildum þar að lútandi. Ólík yrkisefni draga fram raunir sem endurspegla íslenska veðráttu, strjálbýli, hrikaleg náttúruöfl eða áfallasögu sem erfist milli kynslóða.
Umbru skipa: Alexandra Kjeld - kontrabassi, langspil, söngur, Arngerður María Árnadóttir - keltnesk harpa, indverskt harmóníum og söngur, Guðbjörg Hlín Guðmundsdóttir - fiðla, víóla, langspil og Lilja Dögg Gunnarsdóttir - söngur og írsk flauta. Gestaleikarar: Eggert Pálsson - slagverk og Matthías M.D. Hemstock – slagverk.