Verkefnið ber heitið “Æfing dagsins – hreyfidagatal”. Um er að ræða A5 gormabók sem er sett upp eins og dagatal, þar sem hver dagur inniheldur eina æfingu með skýrum leiðbeiningum og myndum. Boðið er upp á bæði auðveldari og erfiðari útfærslur til að mæta mismunandi getu notenda. Dagatalið er margnota og hægt að nota ár eftir ár án þess að þörf sé á sérstökum búnaði.

Skipulag æfinga tekur mið af mikilvægustu forvarnarþáttum í öldrunarþjónustu, með áherslu á styrk og jafnvægi sem lykilþætti í að draga úr byltuhættu og viðhalda færni. Auk þess má finna fræðslu, liðleikaæfingar, slökun, hagyrðinga horn og ýmis heilabrot.