Einu sinni huldi jökull allt Ísland og náði
langt út í sjó en núna minnka jöklarnir hratt og
sumir þeirra verða jafnvel alveg horfnir áður en
lesendur þessarar bókar verða gamlir. Af hverju
eru jöklar og ís á jörðinni? geymir 45
spurningar og svör um jökla og loftslagsmál.
Svörin eru sett fram á einfaldan hátt en þó með
vísindalegri nákvæmni og henta fróðleiksfúsum
lesendum frá átta ára aldri. Öllum spurningunum
fylgja skemmtilegar og skýrandi myndir.

Hvernig
verða jöklar til? Hvar eru stærstu jöklar á
jörðinni? Hvers vegna er kalt uppi á fjöllum þó
að þau séu nær sólinni? Eru jöklar á öðrum
hnöttum? Hver er munurinn á kuldaskeiði og
ísöld? Hvers vegna hlýnar nú á jörðinni?