Sagan Aldrei aftur vinnukona er framhald bókanna Aldrei nema kona (2020) og Aldrei nema vinnukona (2022) þar sem
rakin er ættarsaga kvenna úr Skagafirði, allt frá 1711 til 1903.
Hér segir af Þuríði sem fór til Ameríku að leita gæfunnar heldur en að verða ævilangt vinnukona á Íslandi. Einnig skyggnumst við í hugarheim systur Þuríðar sem hóf búskap á hrjóstrugu landi á Íslandi og ól þar upp börn sín. En henni varð einatt hugsað til systur sinnar í Ameríku sem hún kynntist þó ekki fyrr en á fullorðinsárum.