Hvað er alþjóðavæðing? Hverjar voru orsakir
vígbúnaðarkapphlaupsins á tímum kalda
stríðsins?
Býr Evrópa við meira öryggi að kalda
stríðinu loknu en meðan á því stóð? Eru komnir
upp aðrir átakaþættir í kjölfar kalda stríðsins
sem stafa af árekstrum ólíkra menningarheima?
Hverjar eru orsakir hryðjuverkastarfsemi? Er
Evrópusambandið orðið yfirþjóðleg stofnun? Geta
Sameinuðu þjóðirnar nokkurn tímann orðið þess
megnugar að koma á friði í heiminum? Hvers vegna
er jafn erfitt fyrir iðnríkin og þróunarlöndin
að eiga samstarf á sviði umhverfismála og
þróunar og raun ber vitni?
Þetta eru aðeins
nokkrar þeirra spurninga sem reynt er að varpa
ljósi á í bókinni. Í henni er reynt að veita
svör við ýmsum spurningum sem hafa verið mörgum
hugleiknar í alþjóðastjórnmálum allt frá síðari
heimsstyrjöldinni.